Хуссар Ирыстоны зынаргъ сылгоймӕгтӕ!
РПП «Иугонд Ирыстон» ӕмӕ сӕрмагондӕй мӕхи номӕй зӕрдиаг арфӕ кӕнын сымахӕн Ӕхсӕндунеон бӕрӕгбон 8 марты цытӕн!
Ацы диссаджы бӕрӕгбон мӕ фӕнды сымахӕн мӕ зӕрдӕйы уӕлтӕмӕны ахаст равдисын – стыр аргъ уын кӕй кӕнын, буц уӕ кӕй дӕн. Сылгоймаг – уый у ӕрмӕст алы хӕдзары нӕ, фӕлӕ ӕппӕт не ՚хсӕнады ӕнцойад. Ӕмӕ абон сымахӕн – нӕ мадӕлтӕн, нанатӕн, цардӕмбӕлттӕн, хотӕн, чызджытӕн арфӕ кӕнгӕйӕ, мах рӕзын ӕмӕ дарддӕр кӕнӕм, цы рӕсугъддӕр традицитӕ нын ис, уыдонӕй сӕ иуы. Уӕ мидбылхудты хъармдзинад ӕнкъаргӕйӕ, циндзинад ӕмӕ ногдзинадмӕ тырнындзинады зӕрдӕйыуагимӕ ацы диссаджы бӕрӕгбон ссис уалдзӕджы ӕцӕг символ. Ацы рӕстӕджы райхъал вӕййы ӕмӕ дидинӕг рафтауы ӕрдз, райгуырынц ног фӕндтӕ ӕмӕ бӕллицтӕ. Уӕ уарзт ӕмӕ рӕсугъддзинадӕй, куырыхондзинад ӕмӕ хӕрзаудындзинадӕй, уды хъарм ӕмӕ фӕразондзинадӕй сымах цардмӕ хӕссут ӕхсызгондзинад ӕмӕ гармони. Уе ՚ввахс адӕмы, уӕ рӕвдыд ӕмӕ уды хъарм сын рӕдауӕй дӕтгӕйӕ, сымах зын рӕстӕджы хъахъхъӕнут фыдбылызтӕй, царды зындзинӕдтӕй, удуӕлдайӕ таут ӕмӕ хъахъхъӕнут хӕдзары райдзастдзинад. Мах, нӕлгоймӕгты, уӕ аудындзинад ӕмӕ уарзт кӕнынц тыхджындӕр, разӕнгард нӕ кӕнынц хӕрзиуӕгон архайд ӕмӕ хорз ракӕндтӕм.
Ацы уалдзыгон бӕрӕгбон мах нӕ сылгоймӕгтӕн ӕвдисӕм сыгъдӕгзӕрдӕ аргъкӕнынад ӕмӕ бузныджы ӕнкъарӕнтӕ, кӕцытӕм нӕ историйы иууыл уӕззаудӕр азты ӕрхауд бирӕ фыдӕвзарӕнтӕ ӕмӕ хъизӕмар, фӕлӕ уыдӕттӕн сымах ӕрмӕст фӕразгӕ нӕ ныккодтат, фӕлӕ ма ныхасӕй дӕр ӕмӕ хъуыддагӕй дӕр ныфс лӕвӕрдтат нӕ райгуырӕн бӕстӕйы хӕдбардзинад хъахъхъӕнджытӕн.
Бар мын радтут, цӕмӕй уын зӕрдӕбынӕй зӕгъон ӕнӕниздзинад, амонд, хӕрзиуджытӕ, уарзондзинад, ӕмӕ бирӕ-бирӕ зӕрдӕрухс ӕмӕ хъӕлдзӕг бонтӕ батоныны, уӕ иууыл тӕхудиагдӕр бӕллицтӕ сӕххӕст кӕныны фӕндиӕгтӕ, зӕгъон уын бузныджы ныхӕстӕ, равдисон уын мӕ зӕрдӕйы уӕлтӕмӕны ӕнкъарӕнтӕ уӕ аудындзинад, уӕ удты хъарм ӕмӕ ӕмбарындзинады тыххӕй.